Qyrǵyzstanǵa munaı jetkizý kólemi artyp, Ózbekstan baǵyty boıynsha tranzıt qaıta jalǵasty

ASTANA. KAZINFORM – QazTransOıl Qyrǵyzstanǵa munaı jetkizý kólemin arttyryp, Ózbekstan baǵyty boıynsha tranzıtti qaıta bastady.

Qyrǵyz Respýblıkasyna munaı jetkizý bıyl qarasha aıynda qaıta jandanǵan bolatyn. Buǵan deıin bul baǵytqa munaı 2017 jyly tasymaldandy. 2025 jyldyń sońyna deıin QazTransOıl Qyrǵyzstanǵa 30 myń tonnaǵa deıin munaı jóneltýdi josparlap otyr.

- Ózbekstan baǵyty boıynsha munaı tranzıti bıylǵy jeltoqsan aıynda 35 myń tonnaǵa deıingi kólemde júzege asyrylady dep kútilýde, - dep jazdy kompanııadan.

Barlyq baǵyt boıynsha munaı tasymaldaý magıstraldy munaı qubyrlary júıesi arqyly «Shaǵyr» munaı quıý pýnktine deıin júzege asyrylady. Atalǵan pýnktte munaı temirjol tsısternalaryna quıylady.

Munaı tasymaly kóleminiń oń serpini halyqaralyq seriktestermen tıimdi ári ózara paıdaly yntymaqtastyqtyń nátıjesinde qamtamasyz etilip otyr.

Aıta keteıik, Qazaqstanda munaı ónimderine jańa aktsız mólsherlemeleri qabyldandy.