Qyrǵyzstandyqtar jol ústinde tóbeleskenderdiń jazasyn kúsheıtýdi usyndy
ASTANA.KAZINFORM - Qyrǵyzstan jol qozǵalysy kezinde tóbeles uıymdastyrǵan júrgizýshilerdi jazalaýdy usynyp otyr, dep habarlaıdy Kazinform agenttiginiń Bishkektegi tilshisi.
Zań jobasy qoǵamdyq talqylaýǵa usynyldy.
Sońǵy jyldary el joldarynda júrgizýshiler arasyndaǵy qaqtyǵys kóbeıip ketti. Qoldanystaǵy zańnama mundaı áreket úshin jazany jetkilikti túrde anyqtamaıdy.
Usynylǵan túzetýlerge sáıkes, jolda nemese jol qozǵalysy kezinde jol qaýipsizdigine qaýip tóndiretin tóbeleske, qaqtyǵystarǵa nemese basqa da agressıvti áreketterge qatysqan júrgizýshilerge (jeke tulǵalarǵa) 10 000 som (54 000 teńgeden astam) aıyppul salynady. Qaıtalap buzǵandarǵa alty aıǵa deıin kólik júrgizý quqyǵynan aıyrý jazasy qoldanylady.
Buǵan deıin Qyrǵyzstannyń quqyq buzǵany úshin aıyppul tólemegenderdi memlekettik qyzmetten shettetiletini habarlanǵan bolatyn.
