Qyrǵyzstandyqtar janarmaıdyń ár lıtrine salyq tóleıtin bolady
ASTANA.KAZINFORM – Qyrǵyzstanda satylǵan janar-jaǵarmaıdyń ár lıtri úshin alym alynbaq. Jogorký Kenesh tıisti zań jobasyn ekinshi jáne úshinshi oqylymda maquldady, dep habarlaıdy Kazinform-nyń menshikti tilshisi.
Anyqtap aıtqanda munaı ónimderin esepke alý men saqtaýdyń avtomattandyrylǵan júıesin paıdalana otyryp, janar-jaǵarmaı quıý stantsııalarynda bólshek saýdada ótkizý kezinde janar-jaǵarmaıdyń árbir lıtrine alym alynady. Alym alý tártibin Qyrǵyzstannyń mınıstrler kabıneti belgileıdi.
Janarmaı satýdan túsken qarajat respýblıkalyq bıýdjetke jiberiledi. Keıin ol Jol qoryna jınaqtalmaq. 2023 jyly Qyrǵyzstandaǵy Jol qorynyń bıýdjeti shamamen 4,5 mıllıard somdy quraǵan. 2025 jyly jańa tólem engizilse bul 5 mıllıard som jetpek.
Buǵan deıin Bishkek el astanasyna basqa qalalardan keletin kólikterdiń kirýi úshin jáne jeke mobıldi qural-jabdyqtardy paıdalanǵany úshin alym alýdy jáne sheteldikter úshin týrıstik salyq engizýdi josparlap otyrǵanyn habarlandy.
