Qyrǵyzstandyqtar túnde jerasty dúmpýin sezdi

ASTANA. KAZINFORM – Qyrǵyzstanda búgin, 24 mamyr kúni saǵat 03:29-da jer silkinisi tirkelip, epıtsentrinde kúshi 3 balǵa jetti, dep habarlaıdy Qyrǵyzstannyń Kabar aqparat agenttigi.

Qyrǵyz Respýblıkasy Ulttyq ǵylym akademııasynyń Seısmologııa ınstıtýtynyń málimetinshe, jer silkinisiniń oshaǵy Qyrǵyzstan aýmaǵynda, Moldo Too jotasynyń taýlarynda, Mın-Kýsh kentinen ońtústik-shyǵysqa qaraı 11 shaqyrym, Aq-Bulaq aýylynan ońtústik-shyǵysqa qaraı 12 shaqyrym, Qosh-Bulaq aýylynan soltústik-shyǵysqa qaraı 18 shaqyrym, Bishkek qalasynan ońtústikke qaraı 145 shaqyrym jerde jatyr.

Qyrǵyz Respýblıkasynyń eldi mekenderinde jer silkinisiniń qarqyndylyǵy: Mın-Kýshta shamamen 2,5 ball.

Aldyn ala málimet boıynsha, zardap shekkender joq, ǵımarattarǵa zaqym kelmegen.