Qyrǵyzstandyq «fýra» júrgizýshisi QR terrıtorııasynda memlekettik nomerin ózgertip alyp júrgen

TARAZ. KAZINFORM — Jambyl oblysy Merki aýdany mańyndaǵy tas jolda kóliginiń nómirin ózgertip alǵan «fýra» júrgizýshisin ustaldy, dep habarlaıdy oblystyq Polıtsııa departamentiniń baspasóz qyzmeti. 

Polıtsııa qyzmetkerleri «Quqyqtyq tártip» profılaktıkalyq is-sharasy barysynda «AvtoSkannar» mobıldi kesheniniń kómegimen ótip bara jatqan DAF markaly júk kóliginiń memlekettik nómirdegi bir árpi basqa ekenin anyqtaǵan. Qyrǵyz Respýblıkasynyń 33 jastaǵy turǵyny bul áreketin jolda jyldamdyqty asyrǵany úshin beınekameralarǵa túsip qalmaý maqsatynda jasaǵanyn moıyndady.

Júrgizýshiniń Qyrǵyzstannan Reseıge Qytaı avtokólikterin tasymaldaýmen aınalysatyny belgili boldy.

Merki aýdandyq sotynyń sheshimimen quqyq buzýshy 1 jylǵa júrgizýshi kýáliginen aıyrylyp, 2 táýlikke ákimshilik qamaqqa alyndy.

Aıta ketsek, biz buǵan deıin júrgizýshi kýáligin alý úshin Qazaqstanda emtıhan tapsyrý kezinde jańa ereje engiziletinin jazǵan bolatynbyz.