Qyrǵyzstandyq áýe kompanııa Qazaqstanǵa tikeleı reısterdi iske qosady
ASTANA.KAZINFORM - Kólik mınıstrligi 27 maýsymnan bastap Qazaqstannyń avıatsııalyq naryǵyna Qyrǵyzstannyń áýe kompanııasy – «Asman Airlines» kiretinin habarlady.
Kompanııa Almaty – Ystyqkól baǵyty boıynsha aptasyna eki ret (dúısenbi jáne juma kúnderi) turaqty tikeleı jolaýshy reısterin oryndaı bastaıdy. Sonymen qatar 3 shildeden bastap qazaqstandyq «Fly Arystan» áýe tasymaldaýshysy da Almaty – Ystyqkól baǵyty boıynsha tikeleı reısterdi iske qosady.
Reıster aptasyna eki ret – beısenbi jáne jeksenbi kúnderi oryndalady. Osylaısha, jazǵy kezeńde kórsetilgen baǵyt boıynsha aptasyna 4 turaqty jolaýshy reısi oryndalatyn bolady.
Áýeqatynastyń ashylýy eki el arasyndaǵy týrıstik, saýda-ekonomıkalyq jáne iskerlik yntymaqtastyqtyń odan ári damýyna yqpal etedi.
Aıta keteıik, Qytaıdan Almatyǵa taǵy bir tikeleı reıs iske qosyldy.
Qazaqstan áýe kompanııasy 25 maýsymnan bastap Taıaý Shyǵysqa qaıta ushady.