Qyrǵyzstandy 20 okrýgke bólmekshi

BІShKEK. KAZINFORM – Qyrǵyzstan prezıdenti Sadyr Japarov Osh oblysy Nookat aýdanynyń turǵyndarymen kezdesýinde ákimshilik-aýmaqtyq reformanyń ekinshi kezeńin jarııalady, dep habarlaıdy Kazinform agenttiginiń Bishkektegi menshikti tilshisi.

Qyrǵyz basshysynyń aıtýynsha, bılik elde oblystar men aýdandardyń ornyna 20 okrýg qurýdy josparlap otyr.

- Qazirgi ýaqytta respýblıkada 44 aýdan jáne 33 qala bar. Barlyq oblystar men aýdandar taratylyp, onyń ornyna 20 okrýg qurylady, biraq buǵan deıin áli úsh-tórt jyl bar. Bastapqyda pılottyq joba retinde bir okrýg qurylady, al aldaǵy eki-úsh jylda biz ony respýblıkalyq bıýdjet qarajatynsyz qalaı basqarylatynyn baqylaımyz. Eger bári sátti bolsa, aýdandar men oblystar taratylyp, el okrýgterge bólinedi, - dep atap ótti Qyrǵyz Respýblıkasynyń Prezıdenti.

Onyń aıtýynsha, bul basqarý tıimdiligin arttyryp, shyǵyndardy azaıtyp, aımaqtardyń qarjylyq derbestigin nyǵaıtýy tıis.

Osyǵan deıin jaqyn arada Qyrǵyzstanda SpaceX kompanııasynyń Starlink spýtnıktik baılanys qyzmeti iske qosylatynyn habarladyq.