Qyrǵyzstandaǵy jer silkinisinen turǵyn úıler men áleýmettik nysandar búlindi
BІShKEK. KAZINFORM – 6 qazanda bolǵan jer silkinisi saldarynan Qyrǵyzstannyń eki oblysyndaǵy aýyldarda turǵyn úıler men áleýmettik nysandarǵa zaqym keldi, dep habarlaıdy Kazinform menshikti tilshisi.
Qyrǵyz Respýblıkasy Tótenshe jaǵdaılar mınıstrliginiń málimetinshe, Jalal-Abad jáne Talas oblystarynda alty turǵyn úıdiń, tórt mekteptiń, bir balabaqshanyń, eki feldsherlik pýnkttiń qabyrǵalarynda jaryq paıda bolǵan.
Azamattyq qorǵanys qyzmeti TJM Azamattyq qorǵanys departamentiniń mamandarymen birlesip jergilikti jerde keltirilgen shyǵyndy baǵalaý jumystaryn jalǵastyryp jatyr.
Eske salsaq, 6 qazanda Qyrǵyzstannyń ońtústiginde jergilikti ýaqyt boıynsha tańǵy saǵat 2:29-da kúshi 6 baldyq jer silkinisi boldy.
Qyrǵyzstan Respýblıkasy UǴA Seısmologııa ınstıtýtynyń málimetinshe, onyń oshaǵy Talas jotasynyń aýmaǵynda ornalasqan.
Ońtústik Qazaqstan óńiriniń turǵyndary jer silkinisin sezindi.