Qyrǵyzstanda jer silkindi, zardap shekkender men qıraýlar joq

BІShKEK. KAZINFORM – Qyrǵyzstannyń ońtústiginde jergilikti ýaqyt boıynsha tańǵy saǵat 2:29-da kúshi 6 baldyq jer silkinisi boldy, dep habarlaıdy Kazinform menshikti tilshisi.

Qyrǵyzstan Respýblıkasy UǴA Seısmologııa ınstıtýtynyń málimetinshe, jer silkinisiniń oshaǵy Talas jotasynda, Chakmak-Sýý aýylynan soltústik-batysqa qaraı 23 shaqyrym, Bashky-Týsh aýylynan soltústikke qaraı 25 shaqyrym jáne Talas qalasynan ońtústik-batysqa qaraı 85 shaqyrym jerde jatyr.

Qyrǵyzstannyń eldi mekenderinde jer silkinisiniń kúshi: Chakmak-Sýý aýylynda – 5,5 ball, Bashqy-Terekte – 5 ball, Qara-Saı, Kek-Saı, Sheker, Qaınar, Chon-Qara-Býýra, Baqaı-Atada – 4,5 ball, Talas qalasynda – 4 ball boldy.

Qyrǵyzstan Respýblıkasy TJM aldyn ala málimetinshe, zardap shekkender men qıraýlar joq.

Buǵan deıin Ońtústik Qazaqstan óńiriniń turǵyndary jer silkinisin sezingenin jazǵan edik.