Qyrǵyzstandaǵy tikushaq apaty: joǵary laýazymdy eki ekc-áskerı qyzmetker qamaýǵa alyndy

ASTANA. KAZINFORM — Qyrǵyzstanda 2024 jyly Bishkek mańynda áskerı tikushaqtyń apatqa ushyraýyna baılanysty Áýe qorǵanysy kúshteriniń burynǵy qolbasshysy men áýe bazasynyń eks-komandıri qamaýǵa alyndy.

Qyrǵyzstandaǵy tikushaq apaty: joǵary laýazymdy eki ekc-áskerı qyzmetker qamaýǵa alyndy
Foto: Kabar

Bul týraly Kazinform agenttiginiń Bishkektegi menshikti tilshisi habarlady.

Bishkektiń Birinshi mamyr aýdandyq sotynyń qaýlysymen burynǵy eki komandır A.K.A. jáne D. D. 2026 jylǵy 19 jeltoqsanǵa deıin qamaýǵa alyndy.

Olarǵa Qyrǵyzstan Qylmystyq kodeksiniń 401-baby 3-bóligi («Ushý nemese oǵan daıyndyq qaǵıdalaryn buzý») boıynsha aıyp taǵyldy. Bul áreket abaısyzda asa aýyr zardapqa ákep soqqan.

Eske salaıyq, 2024 jylǵy 17 qańtarda Bishkek mańyndaǵy Frýnze-1 avıatsııalyq bazasynda oqý-jattyǵý ushýy kezinde Qyrǵyzstan Áýe qorǵanysy kúshteriniń tikushaǵy apatqa ushyraǵan. Saldarynan bir adam qaza tapty.