Qyrǵyzstandaǵy prezıdent saılaýyna arnap Qazaqstanda alty saılaý ýchaskesi ashyldy

ASTANA. KAZINFORM — Qyrǵyzstan Saılaý jáne referendýmdar jónindegi ortalyq komıssııa aldaǵy prezıdent saılaýynda daýys berý úshin 33 eldegi 74 saılaý ýchaskesin bekitti, dep habarlaıdy Kazinform agenttiginiń Bishkektegi menshikti tilshisi.

Qyrǵyzstandaǵy prezıdent saılaýyna arnap Qazaqstanda alty saılaý ýchaskesi ashyldy
Foto: Kabar

Komıssııanyń málimetteri boıynsha, shetelde júrgen Qyrǵyzstan azamattarynyń daýys berý quqyǵyn qamtamasyz etý úshin myna elderde saılaý ýchaskeleri ashyldy:

  • Reseıde 20 saılaý ýchaskesi;
  • Túrkııa men Qazaqstannyń árqaısysynda altaýdan;
  • AQSh-ta 5;
  • Koreıa Respýblıkasy men Italııada úsheýden;
  • Ózbekstan, Germanııa, Qytaı jáne BAÁ — ekeýden;
  • Aýstrııa, Chehııa, Slovakııa, Polsha, Ulybrıtanııa, Belarýs, Lıtva, Vengrııa, Belgııa, Frantsııa, Shveıtsarııa, Saýd Arabııasy, Kýveıt, Qatar, Egıpet, Ázerbaıjan, Tájikstan, Túrikmenstan, Malaızııa, Pákistan, Úndistan, Japonııa jáne Mońǵolııada bir-birden saılaý ýchaskesi jumys isteıdi.

Bul tizim aldaǵy ýaqytta jańarýy múmkin, óıtkeni saılaý kúnine deıin shetelderde qosymsha saılaý ýchaskelerin ashý josparlanyp otyr.

Eske sala keteıik, Qyrǵyzstanda prezıdent saılaýy 2027 jylǵy 27 qańtarda ótedi.

Qyrǵyzstanda prezıdent saılaýyna qatysýǵa alǵashqy kandıdat 14 qazan kúni ótinish bergen.

Sadyr Japarov ta Qyrǵyzstan prezıdenttigine óz kandıdatýrasyn usynǵan.

Sonymen qatar Qyrǵyzstandaǵy prezıdent saılaýyna barlyǵy 1,2 mlrd som (shamamen 6,06 mlrd teńge) jumsalmaq.

Qyrǵyzstanda prezıdent bolý úshin 11 kandıdat básekege túspek.