Qyrǵyzstandaǵy parlament saılaýyna 378 halyqaralyq baıqaýshy tirkeldi

BІShKEK. KAZINFORM – Qyrǵyzstan Respýblıkasynyń Saılaý jáne referendýmdar jónindegi ortalyq komıssııasy Jogorký Kenesh depýtattaryn kezekten tys parlament saılaýyna qosymsha 251 halyqaralyq baıqaýshyny akkredıttedi, dep habarlaıdy Kazinform menshikti tilshisi.

Qyrǵyzstan Respýblıkasynyń Ortalyq saılaý komıssııasynyń málimetinshe, 12 jáne 19  qarasha kúnderi halyqaralyq baıqaýshylar retinde kelesi ókilder akkredıtteldi:

* Bolgarııa Respýblıkasynyń Ortalyq saılaý komıssııasy;

* Reseı Federatsııasynyń Ortalyq saılaý komıssııasy;

* Belarýs Respýblıkasynyń Ortalyq saılaý komıssııasy;

* Mysyr Arab Respýblıkasynyń Ulttyq saılaý komıssııasy;

* Islam yntymaqtastyǵy uıymy;

* Qytaı Halyq Respýblıkasynyń Qyrǵyz Respýblıkasyndaǵy elshiligi;

* Amerıka Qurama Shtattarynyń Qyrǵyz Respýblıkasyndaǵy elshiligi;

* Japonııanyń Qyrǵyz Respýblıkasyndaǵy elshiligi;

* Majarstannyń Qyrǵyz Respýblıkasyndaǵy elshiligi;

* Ulybrıtanııanyń Qyrǵyz Respýblıkasyndaǵy elshiligi;

* Qaýipsizdik jáne yntymaqtastyq uıymynyń Eýropadaǵy Demokratııalyq ınstıtýttar jáne adam quqyqtary jónindegi bıýrosy;

* Táýelsiz Memleketter Dostastyǵynyń baıqaýshylar mıssııasy;

* Túrkitildes memleketterdiń Parlamenttik Assambleıasy;

* Eýropadaǵy qaýipsizdik jáne yntymaqtastyq uıymynyń Parlamenttik Assambleıasy;

* Táýelsiz Memleketter Dostastyǵynyń Parlamentaralyq Assambleıasy;

• Ujymdyq qaýipsizdik týraly shart uıymynyń Parlamenttik Assambleıasy;

• Mońǵolııanyń Bas saılaý komıssııasy;

* Ózbekstan Respýblıkasynyń Ortalyq saılaý komıssııasy;

* Bolıvarıan Venesýela Respýblıkasynyń Ulttyq saılaý organy;

* Indonezııa saılaý komıssııasy;

* Reseı Federatsııasynyń Qoǵamdyq palatasy;

* Táýelsiz Memleketter Dostastyǵynyń baıqaýshylar mıssııasy;

* Túrki memleketteri uıymy;

* Shanhaı yntymaqtastyq uıymy.

Eske sala ketsek, Qyrǵyz Respýblıkasy Prezıdentiniń 30 qyrkúıektegi jarlyǵymen Jogorký Kenesh depýtattarynyń merziminen buryn saılaýy 2025 jyldyń 30 qarashasy, jeksenbi kúni ótkiziletini bekitildi. 

Qyrǵyzstandaǵy parlament saılaýyna 467 kandıdat tirkeldi.

Qyrǵyz Respýblıkasynyń Saılaý jáne referendýmdar jónindegi ortalyq komıssııasy 5 qarashada Almaty, Taraz jáne Shymkent qalalarynda qosymsha úsh saılaý ýchaskesin qurý týraly qaýly qabyldady.

Buǵan deıin Qazaqstanda Qyrǵyz Respýblıkasynyń azamattary Astanadaǵy (QR-daǵy Qyrǵyzstan elshiligi), Almatydaǵy (QR-daǵy Qyrǵyzstannyń Bas konsýldyǵy) jáne Atyraý men Qaraǵandydaǵy ýchaskelerde daýys bere alatynyn habarlaǵan edik.

Buǵan deıin Qyrǵyzstanǵa parlamenttiń ózin-ózi taratýy ne úshin qajet ekenin jazǵan edik.

Qyrǵyzstanda 10 qarashadan bastap Jogorký Kenesh depýtattaryn merziminen buryn saılaýyna arnalǵan úgitteý naýqanynyń kezeńi bastaldy.

Ol 2025 jyldyń 10 qarashasynda bastalyp, 2025 jyldyń 29 qarashasynda tańǵy saǵat 8:00-de aıaqtalady. Úgit-nasıhat jınalystarda, mıtıngilerde, BAQ jáne onlaın basylymdar arqyly júrgizilýi múmkin. Saılaý komıssııalary úgit-nasıhat jumystary men saılaýshylarmen kezdesýlerdiń ótkizilýin qamtamasyz etýi tıis.

Aldaǵy kezekten tys parlament saılaýy kezinde qoǵamdyq tártipti saqtaý úshin Qyrǵyzstan quqyq qorǵaý organdarynyń 10 myńnan astam qyzmetkeri jumyldyrylady.