Qyrǵyzstandaǵy parlament saılaýy: 467 kandıdat tirkeldi

BІShKEK. KAZINFORM – Qyrǵyzstanda Jogorký Keneshke (Parlament) kezekten tys saılaýda kóp mandatty saılaý okrýgteri boıynsha parlamentke kandıdattardy tirkeý aıaqtaldy, dep habarlaıdy Kazinform tilshisi. 

Qyrǵyzstan Respýblıkasynyń Saılaý jáne referendýmdar jónindegi ortalyq komıssııasynyń málimetinshe, barlyǵy 467 kandıdat tirkelgen, onyń ishinde 276 er adam jáne 191 áıel. Úgit naýqany 10 qarashada bastalady. https://shailoo.gov.kg/ru/news/8187/

Qyrǵyz Respýblıkasynyń Saılaý jáne referendýmdar jónindegi ortalyq komıssııasy 5 qarashada Almaty, Taraz jáne Shymkent qalalarynda qosymsha úsh saılaý ýchaskesin qurý týraly qaýly qabyldady. 

Buǵan deıin Qazaqstanda Qyrǵyz Respýblıkasynyń azamattary Astanadaǵy (QR-daǵy Qyrǵyzstan elshiligi), Almatydaǵy (QR-daǵy Qyrǵyzstannyń Bas konsýldyǵy) jáne Atyraý men Qaraǵandydaǵy ýchaskelerde daýys bere alatynyn habarlaǵan edik. 

Eske sala ketsek, Qyrǵyz Respýblıkasy Prezıdentiniń 30 qyrkúıektegi jarlyǵymen Jogorký Keneshi depýtattarynyń merziminen buryn saılaýy 2025 jyldyń 30 qarashasy, jeksenbi kúni ótkiziletini bekitildi. 

Qyrǵyz Respýblıkasynyń Saılaý jáne referendýmdar jónindegi ortalyq komıssııasynyń málimeti boıynsha, barlyǵy 589 kandıdat usynyldy, onyń 365-si – er adam, 224-i – áıel. Kandıdattardy tirkeý 9 qarashaǵa deıin jalǵasady. Úgit-nasıhat naýqany 10 qarashadan bastalady.

Qyrǵyzstan Respýblıkasynyń Saılaý jáne referendýmdar jónindegi ortalyq komıssııasy merziminen buryn parlamenttik saılaýǵa 127 halyqaralyq baqylaýshy akkredıttedi. 

Buǵan deıin Qyrǵyzstanǵa parlamenttiń ózin-ózi taratýy ne úshin qajet ekenin jazǵan edik.