Qyrǵyzstandaǵy «Manas» halyqaralyq áýejaıy jańa IATA kodyna aýysty

ASTANA.KAZINFORM - Bishkektegi «Manas» halyqaralyq áýejaıy 2025 jyldyń 11 tamyzynda IATA kodyn FRU-dan BSZ-ke resmı túrde aýystyrady, dep habarlaıdy Kazinform tilshisi. 

«Qyrǵyzstan Aeroporttary» AQ baspasóz qyzmetiniń habarlaýynsha, eski kod 1974 jyldan beri qoldanylyp keledi. Bul ózgeris ınfraqurylymdy damytýdaǵy jańa kezeńdi jáne áýejaıdyń halyqaralyq mártebesin arttyrýdy bildiredi.

— Sheshimdi halyqaralyq júıedegi kodtardy ózgertý tártibin retteıtin Halyqaralyq áýe kóligi qaýymdastyǵy (IATA) qabyldady. BSZ kody Manas áýejaıyna tıesili jáne barlyq jahandyq brondaý jáne áýe tasymaly júıelerinde qoldanylady, — delingen habarlamada.

Buǵan deıin Qyrǵyzstanda Tsıfrlyq kodeks qabyldanǵany týraly jazǵan edik.