Qyrǵyzstandaǵy qonaqúıler men demalys oryndary juldyzyna qaraı baǵalanady
ASTANA. KAZINFORM - Qyrǵyzstanda qonaqúıler men demalys oryndaryn baǵalaýdyń jańa júıesi engiziledi, dep habarlaıdy Kazinform agenttiginiń menshikti tilshisi.
Ornalastyrý obektilerin jikteýdiń memlekettik júıesine sáıkes úsh sanat bólinedi. Qonaqúıler men demalys oryndaryna juldyzdar (1-den 5-ke deıin), qonaqúılerge (1-den 4-ke deıin), kıiz úı lagerlerine (1-den 4-ke deıin) beriledi.
- Sapa standartynyń jańa júıesi qonaqtardyń ornalasatyn orynǵa degen senimin arttyrady. Olar qandaı deńgeıde qyzmet kórsetiletinin birden túsinedi. Al kýrorttar, glempıngter men qonaqúı ıelerin týrısterdi qabyldaý sapasyn jetildirýge yntalandyrady, - dep habarlady Qyrǵyz Respýblıkasy Týrızmdi damytýdy qoldaý qorynyń ókilderi.
Qonaqúılerdiń sanattary qonaqtar men bıznes úshin ashyq bolady. Ornalastyrý nysandaryn baǵalaý tsıfrlyq platformada júzege asyrylady.
Alǵashqy juldyzdy qonaqúıler men demalys oryndary bıyl anyqtalady.
Osyǵan deıin sheteldikterge Ystyqkólden demalys úıin satyp alýǵa ruqsat beriletini týraly jazdyq.