Qyrǵyzstandaǵy qaıǵyly oqıǵaǵa baılanysty 12 polıtsııa qyzmetkeri jazalandy

ASTANA. KAZINFORM — Qyrǵyz elinde bolǵan oqýshylarǵa júk kóliginiń soǵylý oqıǵasyna qatysty vedomstvoaralyq komıssııanyń tekserý nátıjeleri jarııalandy. Onyń qorytyndysy boıynsha QR ІІM-niń 12 qyzmetkeri jazalandy. 

Jalal-Abad oblystyq ІІD baspasóz qyzmetiniń habarlaýynsha, is-shara barysynda qaýipsizdikti tıisti deńgeıde qamtamasyz etpegeni jáne tıisti profılaktıkalyq jumystardy júrgizbegeni úshin 12 qyzmetker tártiptik jaýapkershilikke tartyldy.

Sozaq aýdandyq ishki ister bóliminiń bastyǵy men onyń orynbasary, sondaı-aq oqıǵa bolǵan aýdanǵa qyzmet kórsetetin Oktıabr kenttik polıtsııa bóliminiń bastyǵy qyzmetinen bosatyldy.

Sonymen qatar Jalal-Abad oblystyq ishki ister departamentiniń basshylary men Sozaq aýdandyq ishki ister departamentiniń jol qaýipsizdigi basqarmasynyń qyzmetkerlerine qatysty tártiptik sharalar qoldanyldy. 

Buǵan deıin Jalal-Abad oblysy Sozaq aýdany Jerge-Tal aýylynda bolǵan oqıǵa boıynsha Qyrǵyzstan prezıdenti Sadyr Japarovtyń tapsyrmasyna sáıkes komıssııa qurylyp, onyń quramyna tıisti beıindi mınıstrlikterdiń, Prezıdent Ákimshiliginiń ókilderi kirgeni habarlanǵan bolatyn. 

Esterińizge sala keteıik, 2 mamyr kúni Sozaqta «Manas» eposynyń 1 000 jyldyǵyna arnalǵan aýdandyq deńgeıdegi mektep fleshmobyn ótkizý kezinde júrgizýshiniń baqylaýynsyz taý tóbesinde turǵan shaǵyn balmuzdaq júk kóligi ornynan qozǵalyp, bir top balany qaǵyp ketken bolatyn.