Qyrǵyzstandaǵy epıdjaǵdaı: balabaqshalar men mektepterde karantın engizildi
BІShKEK. KAZINFORM — Tumaý men jedel respıratorlyq vırýstyq ınfektsııa jaǵdaılarynyń kóbeıýine baılanysty 214 balabaqsha ýaqytsha jabyldy, al 207 mektep qashyqtan oqytýǵa kóshti, dep habarlaıdy Qyrǵyzstan Respýblıkasy Aǵartý mınıstrligi.
Vedomstvonyń málimetinshe, Qyrǵyz Respýblıkasy Densaýlyq saqtaý mınıstrliginiń Aýrýlardyń aldyn alý jáne memlekettik sanıtarlyq-epıdemıologııalyq qadaǵalaý departamentiniń buıryǵyna sáıkes, oqý protsesi onlaın formatqa kóshirilip jatyr. Mektepterdiń Bilim mınıstrligine qashyqtan oqytýǵa kóshkenderi týraly habarlaýy ǵana jetkilikti.
— Bilim berý mekemeleri qazirgi ýaqytta aýrýlardyń aldyn alýdyń kúsheıtilgen sharalaryn júzege asyryp otyr. Respýblıka boıynsha 207 mektep sabaqtar onlaın ótkizip jatyr, al 214 balabaqsha ýaqytsha karantınde, — delingen habarlamada.
Buǵan deıin Qyrǵyzstanda epıdemıologııalyq maýsymnyń bastalýymen birge jedel respıratorlyq vırýstyq ınfektsııalardyń (JRVI) taralýy artqanyn jazǵan bolatynbyz.
Aıta keteıik, Almatynyń sanıtarlyq qyzmeti Jańa jyl qarsańynda mektepter men balabaqshalarda jappaı is-sharalardy shekteýdi usyndy.