Qyrǵyzstandaǵy blekaýt sebebin arnaıy komıssııa tekseredi
BІShKEK. KAZINFORM – Qyrǵyzstanda elektr qýatynyń úzilýiniń sebepterin muqııat zertteý úshin arnaıy komıssııa qurylady, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Mınıstrler kabınetiniń tóraǵasy Adylbek Qasymalıev kezekti apparat otyrysynda eldegi elektr qýatynyń úzilý oqıǵalaryn qatań synǵa aldy.
- Sońǵy bir jarym jylda elimizde elektr qýatynyń 26 joǵary voltty apatty úzilýi tirkeldi. Ajyratýǵa jabdyqtardy paıdalaný erejelerin, qaýipsizdik erejelerin bqzý, jabdyqtardyń tehnıkalyq jaǵdaıy, merdiger uıymdardyń kinásinen elektr jelileriniń úzilýi jáne zaqymdanýy, sondaı-aq jeke jaýapty basshylardyń nemquraılylyǵy sebep boldy, - dep habarlady ol.
Mınıstrler kabınetiniń basshysy Qyrǵyz Respýblıkasy Prezıdenti Ákimshiliginiń Prezıdent jáne Mınıstrler Kabınetiniń sheshimderiniń oryndalýyn baqylaý bóliminiń basshysy Azamat Apsatarovqa bul máseleni jeke baqylaýǵa alýdy jáne respýblıkanyń birneshe aımaǵynda, sonyń ishinde 2026 jyldyń 14 tamyzynda bolǵan oqıǵada elektr qýatynyń úzilýiniń sebepterin muqııat zertteý úshin arnaıy komıssııa qurýdy tapsyrdy.
Sondaı-aq osy úzilisterge jol bergen mınıstrlik, energetıkalyq kompanııalar jáne merdiger qurylys uıymdarynyń laýazymdy tulǵalarynyń áreketterine zańdy jáne tártiptik baǵa berý tapsyryldy.
Komıssııanyń qorytyndysy boıynsha kináliler qatań jaýapkershilikke tartylady.
Buǵan deıin Tájikstan men Qyrǵyzstan aýdandary jappaı jaryqsyz qalǵany habarlanǵan bolatyn.
Keıin Qyrǵyzstan elektr qýatynyń úzilýine qatysty pikir bildirdi.
