Qyrǵyzstanda Zobel syılyǵy taǵaıyndaldy: ol kimderge beriledi
ASTANA.KAZINFORM - Qyrǵyzstanda álemdegi alǵashqy qum keskindemesi akademııasy ashyldy, dep habarlaıdy Kazinform agenttiginiń Bishkektegi tilshisi.
Akademııanyń bas dırektory Zarema Abylǵazıevanyń aıtýynsha, uıym qum óneriniń sırek kezdesetin janryn damytý úshin aýqymdy kásibı shyǵarmashylyq platforma retinde qurylǵan.
Akademııa búkil álemnen kelgen qum sýretshileri sezin ótkizýdi josparlap otyr, onda Dúnıejúzilik qum sýretshileri odaǵynyń prezıdenti saılanady.
Uıym sonymen qatar nemis sýretshisi Bendjamın Zobeldiń qurmetine osy óner túrindegi alǵashqy halyqaralyq syılyq Zobel syılyǵyn taǵaıyndamaqshy. Oǵan ártúrli elden kelgen otyz sýretshi qazirdiń ózinde talap bildirgen.
Syılyq Qum keskindeme aptalyǵy festıvalinde tabystalady.
Sonymen qatar, 14-20 qyrkúıek aralyǵynda Sholpan-Atada salanyń jetekshi sarapshylaryn jınaıtyn «Sand Art EXPO» halyqaralyq kórmesi ótedi.
Qazirgi ýaqytta Akademııa músheleri, sonyń ishinde tanymal sarapshy Endrıý Vahtel oqytý standarttaryn belgileıtin jáne negizgi praktıkalyq resýrsqa aınalatyn alǵashqy mamandandyrylǵan — «Qummen sýret salý tarıhy» jáne «Qummen sýret salýdy oqytý ádisteri» kitaptaryn ázirlep jatyr.
Buǵan deıin Gonkongtaǵy qazaqstandyq sýretshiniń jeke kórmesi ashylǵanyn habarlaǵan edik.
