Qyrǵyzstanda jol júrý erejesin buzǵandardy jol jıeginde tekserý toqtatyldy
ASTANA. KAZINFORM — Qyrǵyzstan Іshki ister mınıstrligi jol qozǵalysy erejelerin buzǵan júrgizýshilerdi jol jıeginde tekserý týraly zań jobasyn Joǵarǵy Keńesten qaıtaryp aldy, dep habarlaıdy Kazinform agenttiginiń Bishkektegi menshikti tilshisi.
El prezıdentiniń baspasóz hatshysy Asqat Alagózovtyń aıtýynsha, prezıdent Sadyr Japarov Іshki ister mınıstrligine tıisti tapsyrma berdi. Ol bul bastamaǵa qatysty qoǵam synyn eskerdi.
Aıta keteıik, 2025 jyldyń 1 qyrkúıeginen bastap elde jol qozǵalysy erejelerin buzǵan júrgizýshilerdi ornynda tekserý engiziletin bolǵan. Keıin bul keıinge qaldyryldy.
Sondaı-aq, Qyrǵyzstanda bir jyl ishinde úsh nemese odan da kóp jol qozǵalysy erejelerin aýyr buzǵan júrgizýshiler qaıtadan test tapsyrýǵa mindetti bolatynyn jazǵan edik.
Budan bólek, Qyrǵyzstanda júrgizýshi kýáligine emtıhandy JI qabyldaıtynyn habarlaǵan bolatynbyz.