Qyrǵyzstanda jyl basynan beri jańa týǵan 14 náreste tastandy atanǵan
Jyl basynan beri Qyrǵyzstanda 14 tastandy bala tirkelgen. Bul týraly eldiń Eńbek, áleýmettik qamsyzdandyrý jáne kóshi-qon mınıstriniń orynbasary Jańyl Alybaeva málim etti, dep habarlaıdy Kazinform agenttigi 24.kg resýrsyna silteme jasap.
Qyrǵyzstandyq jýrnalıster qarasha aıynda qyrǵyz halqyn dúr silkindirgen úsh oqıǵany eske aldy. Úsheýinde de náresteni kóshege tastap ketken.
Onyń ekeýi Bishkekte boldy. 8 qarasha kúni 23.30 shamasynda «102» qyzmetine Tolstoı jáne Elebaev kósheleriniń qıylysyndaǵy qoqys jáshiginen polıetılen paketke oralǵan jańa týǵan náreste tabylǵany týraly habarlama kelip túsken.
Jalal-Abadtaǵy Spýtnık yqshamaýdanynan taǵy bir jańa týǵan náreste tabyldy, ony da qoqys jáshiginiń janyna tastap ketken.
Jýrnalıster «Vedomstvo tastandy balalar boıynsha statıstıka júrgize me?» degen suraq qoıdy.
«Statıstıka turaqty túrde júrgiziledi. Aýmaqtyq departamentterdiń málimeti boıynsha, bıyl 14 tastandy bala tirkelgen. Ár balaǵa, ár jaǵdaıǵa jeke damý jospary jasalady», - dedi Jańyl Alybaeva.
