Qyrǵyzstanda jerge qatysty mahınatsııalar boıynsha laýazymdy tulǵalar ustaldy
Qyrǵyz Respýblıkasynyń Ulttyq qaýipsizdik memlekettik komıteti Jalal-Abad oblysy Nooken aýdany aýmaǵynda jer telimderin jeke menshik qurylysqa berý kezinde oryn alǵan jemqorlyq shemasyn anyqtady. Bul týraly komıtettiń baspasóz qyzmetine silteme jasap Kabar agenttigi jazdy, dep habarlaıdy Kazinform.
Málim bolǵandaı, 2017-2021 jyldar aralyǵynda Býrgondý aıyl aımaǵynyń laýazymdy tulǵalary Qyrǵyz Respýblıkasynyń jekelegen azamattarymen kelisip, jeke qurylys úshin kezekten tys jáne komıssııanyń qaraýynsyz jer ýchaskelerin berip kelgen. Aqysyna aqshalaı syıaqy alǵan. Budan bólek, jer ýchaskeleri úıi bar, Býrgondý aıyl aımaǵynda turmaıtyn, sonymen qatar 18 jasqa tolmaǵan azamattarǵa berilgen.
Osy faktiler boıynsha 2023 jylǵy 30 qarashada Býrgondý aıyl aımaǵynyń burynǵy basshysy S.A.A. men jerge ornalastyrý boıynsha maman O.A.A. ustalyp, Jalal-Abad oblysynyń tergeý ızolıatoryna qamaldy.
Qazirgi ýaqytta zańǵa qaıshy áreketterge qatysy bar basqa da adamdardy anyqtaý úshin jedel-tergeý amaldary júrip jatyr.
