Qyrǵyzstanda jer silkinisi saldarynan 99 úı men birqatar nysanǵa zaqym tıdi

BІShKEK. KAZINFORM — Qyrǵyzstannyń Naryn oblysynda 12 mamyrda bolǵan eki jer silkinisi saldarynan 99 turǵyn úı, 3 mektep, mádenıet úıi men dúken zaqymdandy, dep habarlaıdy Kazinform tilshisi. 

Qyrǵyzstan Respýblıkasy Tótenshe jaǵdaılar mınıstrliginiń málimetinshe, Kók-Jar aýylyndaǵy 36 turǵyn úıde, Jańa-Talap aýylynda 28 úı jáne Mádenıet úıinde, Aq-Qııa aýylynda 21 úı jáne mektepte, Qadyraly aýylynda 7 úı, mektep jáne dúkende, Qara-Oıda — 7 úı jáne mektep qabyrǵalarynda jaryq paıda boldy. Onyń ishinde zaqymdanǵan 46 turǵyn úı saqtandyrylǵan, 53-i saqtandyrylmaǵan.

Zalaldy anyqtaý boıynsha qurylǵan aýdandyq komıssııa jumysyn jalǵastyryp jatyr. 

Eske sala ketsek, sáýirde Qyrǵyzstannyń eki oblysynda jer silkindi.