Qyrǵyzstanda jeke derekterdi qorǵaý talaptaryn buzǵandarǵa aıyppul salynady

ASTANA.KAZINFORM — Elde jeke derekterdi qorǵaý talaptaryn buzǵandar úshin jaýapkershilik kózdeıtin Quqyq buzýshylyq týraly kodekske túzetýler engizildi, dep habarlaıdy Kazinform agenttiginiń tilshisi.

Engizilgen túzetýlerge sáıkes, jeke aqparatty jınaý, saqtaý, óńdeý, qorǵaý, berý jáne taratý tártibin buzǵany úshin jeke tulǵalarǵa 7,5 myń som (43 myń teńgeden astam), laýazymdy adamdarǵa 10 myń som (57,8 myń teńge), zańdy tulǵalarǵa 65 myń teńge (65 myń teńge) kóleminde aıyppul salynady.

Jeke derekter massıvterin ustaýshylardyń tizilimine tolyq emes nemese jalǵan málimetterdi engizgeni, sondaı-aq tizilimde belgilengen tártippen tirkelmeı derbes derekterdi jınaǵany, saqtaǵany jáne óńdegeni úshin zańdy tulǵalarǵa 45 myń som (260 myń teńge) kóleminde aıyppul salynady.

Derbes derekterdiń belgilengen tártipti buza otyryp transshekaralyq berilýi, derbes derekter massıviniń ıesiniń sýbektige onyń derbes derekterin berýden negizsiz bas tartýy jáne derbes derekter jónindegi ýákiletti memlekettik organnyń zańdy talaptaryn oryndamaǵany úshin de jaýapkershilik kózdelgen.

Túzetýler resmı jarııalanǵan kúninen keıin alty aı ótken soń kúshine enedi.

Qyrǵyzstanda tsıfrlyq somdy qabyldaýdan bas tartqany úshin aıyppul salynatyny buǵan deıin habarlanǵan bolatyn. 2025 jyldyń 10 aqpanynda ınternette jala jabý nemese qorlaý úshin aıyppul salý týraly zań kúshine endi.

Aıta keteıik, Qyrǵyzstan zańsyz kóshi-qonǵa qarsy kúresti kúsheıtti.