Qyrǵyzstanda jazda jáne kúzde shekara qyzmetkerleriniń jalaqysy ósedi

ASTANA. KAZINFORM — Qyrǵyzstanda Shekara qyzmeti áskerı qyzmetkerleriniń jalaqysy kóbeıtiledi, dep habarlaıdy Kabar.

Bul týraly búgin Ystyqkól oblysyndaǵy Tamchyda shekara qyzmetkerlerine qyzmettik páterlerdiń kiltterin tabystaý saltanatynda belgili boldy.

Memlekettik qaýipsizdik komıtetiniń tóraǵasy Qamchybek Tashıev sharada bıyl memlekettik qoldaýdyń aıǵaǵy retinde 1 shildeden bastap ofıtserlerdiń jalaqysyn 20 000 somǵa arttyrý týraly sheshim qabyldanǵanyn alǵa tartty. Sonymen qatar ol qazan aıynda áskerı qyzmettiń basqa kategorııalarynyń da jalaqysy ósetinin atap ótti.

Ol memleket shekarasyn kúzetken qyzmetkerlerdiń laıyqty turmys jaǵdaıyn jasaý qyzmet pen memleketke senimdi nyǵaıtýdaǵy mańyzdy qadam ekenin aıtty.

— Biz shekarada qyzmet etý tek mártebeli ǵana emes, senimdi qamtamasyz etilgen bolýyn qalaımyz, — dep basa aıtty Qyrǵyzstannyń Memlekettik qaýipsizdik komıtetiniń basshysy.

Budan buryn habarlanǵandaı, Qyrǵyzstanda densaýlyq saqtaý uıymdaryndaǵy tehnıkalyq jáne kishi qyzmetkerlerdiń jalaqysy 20%-ǵa artty.