Qyrǵyzstanda jappaı tártipsizdik uıymdastyrmaq bolǵan 11 adam ustaldy
ASTANA. KAZINFORM — Olardyń arasynda Jogorký Keneshtiń burynǵy depýtaty da bar, dep habarlaıdy Kazinform menshikti tilshisi.
Azamattardy elde oıran salý jáne múlikti qıratýmen ulasatyn jappaı tártipsizdikterdi uıymdastyrýǵa shaqyrǵany jáne daıyndaǵany úshin Jogorký Keneshtiń burynǵy depýtaty jáne taǵy 10 adam ustaldy.
Qyrǵyzstannyń ІІM málimetteri boıynsha «Kyrk ýrýý jetı dýban yntymaǵy» qoǵamdyq birlestiginiń jekelegen músheleri turaqty túrde kezdesýler ótkizip, eldegi jaǵdaıdy turaqsyzdandyrýǵa baǵyttalǵan jappaı tártipsizdikter, narazylyq aktsııalary men mıtıngilerdi uıymdastyrýǵa azamattardy daıyndaýdy jáne shaqyrýdy júzege asyrǵan.
QK QK-niń 278-baby «zorlyq-zombylyqqa ulasatyn jappaı tártipsizdikterdi uıymdastyrý» boıynsha qylmystyq is qozǵaldy.
Kúdiktilerdiń turǵylyqty jeri boıynsha tintý júrgizildi. Nátıjesinde granatalar, myltyqtar, tapansha, oq-dáriler, kamýflıaj, esirtki zattary, dinı ádebıetter, arnaıy maskalar (balaklavalar), jappaı tártipsizdikterdi uıymdastyrý jónindegi nusqaýlyqtar, sýyq qarý, avtomobıl nómirleri, uıaly telefondar, flesh kartalar tárkilendi.
Barlyq 11 azamat, onyń ishinde Parlamenttiń burynǵy depýtaty ýaqytsha ustaý ızolıatoryna qamaldy. Tergeý júrgizilýde.
Osyǵan deıin Qyrǵyzstanda para aldy degen kúdikpen sýdıa ustalǵany anyqtaldy.