Qyrǵyzstanda janar-jaǵarmaıǵa salynatyn salyqty ýaqytsha tómendetý usynyldy
BІShKEK. KAZINFORM — Qyrǵyzstan janar-janarmaı materıaldary baǵasynyń ósýin tejeý úshin benzın men dızel otynyna salynatyn salyqty tómendetýdi josparlap otyr, dep habarlaıdy Kazinform agenttiginiń Bishkektegi menshikti tilshisi.
Mınıstrler kabıneti qaýlysynyń jobasy qoǵamdyq talqylaýǵa usynyldy.
Qujatqa sáıkes, 2026 jyldyń 15 mamyrynan 30 qyrkúıegine deıin dızel otynyna QQS jáne aktsızdik salyq mólsherlemelerin nólge deıin belgileý usynylyp otyr. AI-92 markaly benzın úshin QQS mólsherlemesi 8%-ǵa deıin, al aktsızdik salyqty tonnasyna 5 myńnan 3 myń somǵa deıin tómendetý usynyldy.
Bul sharalar janar-jaǵarmaı materıaldary baǵasyn turaqtandyrýǵa, olardyń kúrt tapshylyǵyn boldyrmaýǵa, sondaı-aq naryqtyń turaqtylyǵyna tónetin ishki jáne syrtqy qaýipterge jedel jaýap berýge baǵyttalǵan.
Qyrǵyzstanda otyn baǵasy nelikten ósip jatqanyn myna materıaldan oqı alasyz.
