Qyrǵyzstanda janar-jaǵarmaı qory azaıyp barady, baǵa ósýi múmkin

ASTANA.KAZINFORM — Qyrǵyzstanda janar-jaǵarmaı baǵasy shamamen 15%-ǵa qymbattaýy múmkin. Bul týraly eldiń Monopolııaǵa qarsy retteý qyzmeti málim etti, dep habarlaıdy Kazinform agenttigi.

Qyzmettiń málimetinshe, janar-jaǵarmaı baǵasynyń kóterilýi eldegi negizgi otyn kózi sanalatyn Reseıdegi tapshylyqqa baılanysty. Qyrǵyz munaı treıderleri munaı ónimderin jetkizý kóleminiń qysqarǵanyn, aıdyń sońyna deıin jeterlik qor qalǵanyn habarlady.

Іshki naryqty turaqtandyrý úshin Monopolııaǵa qarsy retteý qyzmeti salyq júktemesin ýaqytsha tómendetý (aktsızder, QQS, ekologııalyq tólemder jáne basqa da tólemder), sondaı-aq munaı treıderlerine jańa baǵamen janar-jaǵarmaı satyp alý úshin jeńildetilgen nesıe berý túrindegi qoldaý sharalaryn usyndy.

Munaı treıderleri Qyrǵyzstanǵa janarmaı jetkizý 2025 jyldyń sońyna deıin úzdiksiz jalǵasady dep sendirdi.

Buǵan deıin Qyrǵyzstan munaı eksportyna tyıym salǵanyn habarlaǵan edik.