Qyrǵyzstanda jańa mınıstrlik pen memlekettik agenttik quryldy
BІShKEK. KAZINFORM – Qyrǵyzstanda prezıdent jarlyǵymen mınıstrler kabınetiniń qurylymyna ózgerister engizilip, oǵan sáıkes Qurylys, sáýlet jáne turǵyn úı-kommýnaldyq sharýashylyq mınıstrligi men Dene shynyqtyrý jáne sport memlekettik agenttigi quryldy, dep habarlaıdy Kazinform menshikti tilshisi.
Prezıdenttiń baspasóz qyzmetiniń habarlaýynsha, sáýlet, qurylys jáne turǵyn úı-kommýnaldyq sharýashylyq salalaryn tıimdi damytýdyń mańyzdylyǵyn, olardyń ekonomıkanyń basqa salalarymen ózara baılanysyn eskere otyryp, mınıstrler kabıneti janyndaǵy Sáýlet, qurylys turǵyn úı-kommýnaldyq sharýashylyq memlekettik agenttigi negizindegi Qyrǵyz Respýblıkasy Sáýlet, qurylys turǵyn úı-kommýnaldyq sharýashylyq mınıstrligin qurý sheshimi qabyldandy.
Dene shynyqtyrý jáne sport salasyndaǵy damý rólin arttyrý maqsatynda Qyrǵyz Respýblıkasy Mádenıet, aqparat, sport jáne jastar saıasaty mınıstrligi janyndaǵy Dene shynyqtyrý jáne sport departamenti negizinde Qyrǵyz Respýblıkasy Mınıstrler Kabınetiniń janyndaǵy Dene shynyqtyrý jáne sport jónindegi memlekettik agenttik qurý týraly sheshim qabyldandy.
- Dene shynyqtyrý jáne sport máseleleri jónindegi derbes memlekettik organnyń qurylýy atalǵan salany tıimdi damytý úshin ókilettikter men resýrstardy shoǵyrlandyrýǵa, baǵdarlamalar sabaqtastyǵyn, sport ınfraqurylymyn damytýdy qamtamasyz etýge, sondaı-aq osy salada el múddeleriniń halyqaralyq deńgeıde tıisti túrde usynylýyn qamtamasyz etýge múmkindik beredi, - delingen habarlamada.
Buǵan deıin dene shynyqtyrý jáne sport departamenti Qyrǵyz Respýblıkasy Mádenıet, aqparat, sport jáne jastar saıasaty mınıstrligine qarasty bolatyn.
Qyrǵyzstanda ustalǵan esirtki saýdalaýshylardan gashısh pen marıhýananyń iri partııasy alynǵan edi.