Qyrǵyzstanda jańa memlekettik ánurandy tańdaý jónindegi komıssııa quryldy
BІShKEK. KAZINFORM – Qyrǵyzstanda memlekettik ánurannyń mátini men mýzykasynyń jańa nusqasyna jobalardy tańdaý jónindegi vedomstvoaralyq komıssııa quryldy, dep habarlaıdy Kazinform agenttiginiń Bishkektegi menshikti tilshisi.
Memlekettik hatshy Arslan Qoıchıev basqaratyn komıssııanyń quramyna depýtattar, ǵylym jáne mádenıet qaıratkerleri, fılologtar, mýzykatanýshylar jáne kompozıtorlar kirdi.
Talapqa sáıkes, jańa ánuran mátini óte mánerli, úılesimdi, saltanatty, patrıottyq jáne emotsıonaldy bolýy jáne este saqtaý ońaı saqtalýy kerek. Mýzykalyq shyǵarma eldiń tarıhı murasyn, baı mádenı dástúrlerin jáne joǵary jetistikterin, sondaı-aq Qyrǵyzstan halqynyń ulttyq birligin jáne Otanǵa degen súıispenshiligin kórsetýi kerek.
Ánurannyń úsh tańdalǵan nusqasy 2026 jyldyń 1 maýsymyna deıin Joǵarǵy Kenesh qaraýyna usynylady.
Eske salsaq, 2024 jyldyń qazanynda Sadyr Japarov Qyrǵyzstan ánuranyn ózgertý bastamasyn qoldady.
2025 jyly Qyrǵyzstanda ánurannyń jańa nusqasyna mýzyka jazýǵa baıqaý jarııalandy.
