Qyrǵyzstanda jalǵan aqparat taratqandarǵa aıyppul salynady

BІShKEK. KAZINFORM – El úkimeti BAQ pen áleýmettik jelilerde jalǵan aqparat jarııalaǵany úshin jaýapkershilikti qarastyratyn Quqyq buzýshylyqtar týraly kodekske túzetýler engizýge bastamashy boldy, dep habarlaıdy Kazinform menshikti tilshisi.

Zań jobasy Jogorký Keneshtiń qaraýyna jiberildi.

Ázirleýshiler atap ótkendeı, búginde Internet pen áleýmettik jeliler aqparattyń negizgi kózine aınaldy, olardyń platformalarynda sondaı-aq jalǵan aqparat taratylyp keledi. BAQ pen ınternet keńistigin retteý tsenzýra nemese demokratııalyq quqyqtar men bostandyqtardyń buzylýy retinde baǵalanbaýy kerek. Feık akkaýnttar jaǵdaıdy turaqsyzdandyrý maqsatynda, sondaı-aq qandaı da bir oqıǵadan keıin qoǵamda jaǵymsyz kóńil-kúı týdyrý úshin tirkeledi.

Qujatqa sáıkes, áleýmettik jelilerde jáne BAQ-ta qoǵamdyq tártipti, azamattardyń nemese uıymdardyń quqyqtary men zańdy múddelerin nemese qoǵamnyń nemese memlekettiń zańmen qorǵalatyn múddelerin buzýǵa jaǵdaı týǵyzatyn feıkterdi jarııalaǵany úshin, eger bul áreketter qylmystyq jaýapkershilikke jatpaıtyn bolsa, aıyppul salý usynylyp otyr.

Aıyppul jeke tulǵalarǵa 200 eseptik kórsetkish (20 myń som), zańdy tulǵalar úshin — 650 eseptik kórsetkish (65 myń som) mólsherinde belgilendi. Osy quqyq buzýshylyq týraly hattamany jasaý úshin ýákiletti organ retinde eldiń Іshki ister mınıstrligin belgileý usynylyp otyr.

Eske sala ketsek, Qyrǵyzstanda adamnyń ar-namysyna tıgeni úshin salynatyn aıyppul somasy azaıdy. 

Sondaı-aq elde toı men jerleý rásiminde ysyrapshyldyq úshin aıyppul salynbaq.