Qyrǵyzstanda jalaqyny qolma-qol aqshamen tóleýge ruqsat berildi
ASTANA. KAZINFORM - Eldiń Mınıstrler kabıneti jalaqyny qolma-qol aqshamen berýge ruqsat etýge bolatyn jaǵdaılardy anyqtady, dep habarlaıdy Kazinform tilshisi.
Úkimettiń qol qoıylǵan qaýlysyna sáıkes qyzmetkerlerge jalaqyny qolma-qol aqshamen tóleýge ruqsat etiledi:
qyzmetkerdiń jumys orny ornalasqan aýmaqta banktik qyzmetterdi alý ınfraqurylymdary bolmaǵan jaǵdaıda;
maýsymdyq dala jumystaryna jumysshylardy qabyldaǵanda;
kásiporynnyń banktik shottaryna tyıym salynǵan jaǵdaıda;
2026 jylǵy 1 qańtarǵa deıin páter ıeleri kooperatıvteriniń qyzmetkerlerine;
aýyl sharýashylyǵy kooperatıvterine.
Bul rette jumys berýshiler salyq tóleý jáne qyzmetkerlerdiń eńbek quqyqtaryn saqtaý boıynsha tıisti qujattamany júrgizý mindetinen bosatylmaıdy.
Qaýly resmı jarııalanǵan kúnnen keıin on kúntizbelik kún ótken soń qoldanysqa engiziledi.
Aıta keteıik, Qyrǵyzstanda zańǵa sáıkes, 2024 jyldyń 1 qazanynan bastap barlyq jumys berýshi – zańdy tulǵalar jalaqyny tek qolma-qol aqshasyz tóleýge mindetti.
Ótken jyldyń qyrkúıeginde elimizde 2026 jylǵa deıin memlekettik qyzmetkerlerdiń jalaqysyn kóterýge moratorıı engizilgen bolatyn.
Buǵan deıin Qyrǵyzstanda barlyq esep aıyrysý sommen júrgiziletinin habarlaǵan edik.