Qyrǵyzstanda jalaqy ınflıatsııaǵa qaraı ósedi
ASTANA. KAZINFORM — Qyrǵyzstanda ınflıatsııa deńgeıine qaraı jalaqyny mindetti túrde ındeksatsııalaý tártibi engiziledi, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Prezıdenti Sadyr Japarov 2026 jylǵy 6 qarashadaǵy №152 zańǵa qol qoıdy. Qujatqa sáıkes, eldiń Eńbek kodeksine tıisti ózgerister engizildi.
Jumys berýshiler taýarlar men qyzmetter baǵasy ósken saıyn qyzmetkerlerdiń jalaqysyn da arttyryp otyrýǵa mindetti. Bul talap ujymdyq sharttarda, kelisimderde nemese uıymnyń ishki qujattarynda kórsetilýge tıis.
Buǵan deıin Qyrǵyzstan 2030 jylǵa qaraı JІÓ ósimin 8%-ǵa jetkizetini habarlanǵan bolatyn.
Sonymen qatar Qyrǵyzstanda taýarlar men qyzmetterdiń baǵasy 8,1 paıyz óskenin jazǵan edik.
