Qyrǵyzstanda jalaqy 16,1%-ǵa ósti: eń kóp ósim qaı salada tirkelgen
ASTANA. KAZINFORM — Qyrǵyzstan Ulttyq statıstıka komıtetiniń málimetinshe, 2026 jyldyń qańtarynda ortasha aılyq jalaqy 45 797 somdy qurap, ótken jyldyń sáıkes kezeńimen salystyrǵanda 16,1%-ǵa ósken, dep habarlaıdy Kabar.
Baǵa ósimin esepke alǵanda, naqty jalaqy 6,3%-ǵa artqan.
Jalaqy ósimi barlyq qyzmet salalarynda baıqalǵan.
Eń aıtarlyqtaı ósim tómendegideı salalarda tirkelgen:
-
Basqarýshylyq jáne qosalqy qyzmet — 49,4 %
-
Densaýlyq saqtaý jáne áleýmettik qyzmet kórsetý — 35,8 %
-
Energetıka (gaz, jaryq jáne bý qamtamasyz etý) — 30,5 %
-
Kásibı, ǵylymı jáne tehnıkalyq qyzmet — 27,8 %
-
Jyljymaıtyn múlik operatsııalary — 23,1 %
-
Aýyl sharýashylyǵy, orman sharýashylyǵy jáne balyq aýlaý — 25,3 %
Osyǵan deıin Qyrǵyzstan 2030 jylǵa deıin balabaqshamen qamtýdy 80%-ǵa jetkizýdi kózdeıtinin jazǵanbyz.
