Qyrǵyzstanda Jalaal-Abad qalasynyń ataýy Manas bolyp ózgertildi

ASTANA. KAZINFORM — Qyrǵyzstan prezıdenti Sadyr Japarov «Qyrǵyz Respýblıkasynyń Jalaal-Abad oblysyndaǵy Jalaal-Abad qalasyn Manas qalasy dep qaıta ataý týraly» Zańǵa qol qoıdy, dep habarlaıdy Kazinform tilshisi.

Zańnyń maqsaty – ulttyq ıdeologııany nyǵaıtý jáne qalaǵa qyrǵyz halqynyń uly batyry, elin túrli shapqynshylyqtardan qorǵaǵan Manastyń esimin berý.

Qujat resmı jarııalanǵannan keıin on kúnnen soń kúshine enedi.

Eske sala keteıik, 2025 jylǵy 10 qyrkúıekte Qyrǵyz Respýblıkasynyń Jogorký Kenesh depýtattary Jalaal-Abad qalasynyń ataýyn Manas dep ózgertý jónindegi zań jobasyn úsh oqylymda maquldaǵan bolatyn.