Qyrǵyzstanda jabaıy janýarlardy ustaý jáne ósirý qaǵıdalary bekitildi
ASTANA. KAZINFORM — Qyrǵyzstan Mınıstrler kabıneti respýblıka aýmaǵynda janýarlar dúnıesi nysandaryn ustaý, ósirý jáne qorǵaý máseleleri boıynsha qaýly qabyldady, dep habarlaıdy Kabar.
Tıisti qujatqa Qyrǵyz Respýblıkasy Mınıstrler kabınetiniń tóraǵasy Adylbek Qasymalıev qol qoıdy.
Qujat janýarlardy qolda, jartylaı erkin jaǵdaıda jáne jasandy ortada ustaý men ósirý salasyndaǵy qatynastardy jetildirý jáne júıeleý, sondaı-aq normatıvtik-quqyqtyq aktilerdegi sáıkessizdikterdi joıý maqsatynda qabyldanǵan.
Qaýlyǵa sáıkes, Qyrǵyzstan aýmaǵynda janýarlar dúnıesi nysandaryn qolda, jartylaı erkin jaǵdaıda jáne jasandy ortada ustaý jáne ósirý qaǵıdalary bekitildi.
Qaýly resmı jarııalanǵan kúnnen bastap on kún ótken soń kúshine enedi.
Buǵan deıin Qyrǵyzstanda keneler maýsymy bastalǵanyn jazǵan bolatynbyz.
Sonymen qosa Qyrǵyzstanda janýarlardyń qaýipti aýrýlarynyń enýi men taralýynyń aldyn alý úshin veterınarlyq-sanıtarlyq baqylaý kúsheıtildi.
