Qyrǵyzstanda «ıAndeks Go» servısteri durys jumys istemeı tur
ASTANA. KAZINFORM — Qyrǵyzstanda «ıAndeks» servısteriniń jumysynda aqaý baıqaldy. Bul týraly Kazinform agenttiginiń Bishkektegi menshikti tilshisi habarlaıdy.
«ıAndeks Go Qyrǵyzstan» kompanııasy jaǵdaıǵa qatysty túsinik berdi.
— Qazirgi ýaqytta keıbir servısterimiz qoljetimsiz nemese durys jumys istemeı tur. Bolǵan jaıt úshin keshirim suraımyz. Ekranda qate týraly habarlamanyń shyǵýy josparlaryńyzǵa kedergi keltiretinin túsinemiz. Ata-anańyzǵa barý, tamaqqa tapsyrys berý, otbasylyq keshki asqa azyq-túlik alý, jaqyndaryńyzǵa sálemdeme jiberý nemese kópten beri barýdy josparlap júrgen saıabaqqa jol tabý sııaqty kúndelikti isterińiz qıyndaýy múmkin. Jaqyndaryńyzben ýaqyt ótkizýdiń ornyna, endi basqa amal izdeýge týra keledi, — delingen kompanııa habarlamasynda.
TASS agenttiginiń habarlaýynsha, dron shabýyly saldarynan Reseıdiń Vladımır qalasyndaǵy «ıAndeks» derekter ortalyǵynyń ınfraqurylymy zaqymdanǵan. Ortalyqtyń jumysy tegis toqtatylǵan. Zardap shekkender joq. Tıisti qyzmetter oqıǵa ornyna baryp, onyń saldaryn joıý jumystaryn júrgizip jatyr.
Buǵan deıin Qazaqstanda da kompanııa servısteriniń durys jumys istemeı turǵanyn habarlanǵan edik.
Kompanııanyń baspasóz qyzmeti keıbir servısterde aqaý bar ekenin rastady. Qazir mamandar olardyń jumysyn qalpyna keltirýge kúsh salyp jatyr. Alaıda qyzmetterdiń qashan tolyq iske qosylatyny ázirge belgisiz.
ıAndeks ókilderiniń túsindirýinshe, kúrdeli tsıfrlyq servısterdiń jumysy ártúrli elderde ornalasqan serverlerge táýeldi. Sondyqtan bir serverdegi aqaý basqa elderdegi qyzmetterdiń jumysyna da áser etýi múmkin.
