Qyrǵyzstanda V Dúnıejúzilik kóshpendiler oıyndaryna arnalǵan «At chabysh» monetasy shyǵaryldy
ASTANA. KAZINFORM - 1 tamyzdan bastap Qyrǵyzstan Ulttyq banki 2024 jylǵy 8-14 qyrkúıek aralyǵynda ótetin V Dúnıejúzilik kóshpendiler oıyndaryna arnalǵan «Dúnıejúzilik kóshpendiler oıyndary» serııasynyń «At Chabysh» kúmis kollektsııalyq monetasyn aınalymǵa shyǵarady.
«At chabysh» – uzaq qashyqtyqqa at jarystyratyn qyrǵyzdardyń ejelgi jáne tanymal sport túri.
Monetanyń aldyńǵy jaǵynda ıppodrom fonynda atqa mingen eki shabandoz beınelengen. Monetanyń joǵarǵy jaǵynda Dúnıejúzilik kóshpendiler oıyndarynyń emblemasy jáne «At chabysh / at Chabysh» monetasynyń ataýy jazylǵan jazba, sondaı-aq 10 som monetanyń nomınaly kórsetilgen.
«At chabysh» kollektsııalyq monetasy Qyrǵyz Respýblıkasynyń aýmaǵynda resmı tólem quraly mártebesine ıe.
Esterińizge sala keteıik, Ulttyq sport túrleri boıynsha álemdegi eń iri jarystar 8-14 qyrkúıek aralyǵynda Astanada ótedi. Qazaqstan astanasy elimizdiń jáne álemniń ár elinen 100 myńǵa jýyq týrıstti qabyldaýǵa daıyndalyp jatyr.
Buǵan deıin V Dúnıejúzilik kóshpendiler oıyndarynda júldelerdiń jalpy somasy 253 mln teńge ekeni habarlanǵan bolatyn.
