Qyrǵyzstanda ulttyq tólqujattar jańarady

ASTANA. KAZINFORM — Qyrǵyzstanda 2025 jylǵy úlgidegi jańartylǵan dızaıny men kúsheıtilgen qorǵanys elementteri bar jańa jalpyazamattyq tólqujattar men jeke kýálikterdi (ID-karta) aınalymǵa engizý josparlanyp otyr, dep habarlaıdy Kazinform tilshisi.

Qyrǵyz Respýblıkasy Tsıfrlyq damý mınıstrligi bul másele boıynsha Mınıstrler kabınetiniń tıisti qaýly jobasyn qoǵamdyq talqylaýǵa shyǵardy.

Qujatqa sáıkes, 2025 jylǵy úlgidegi ulttyq tólqujattar 2024 jylǵy úlgidegi ID-kartalardyń jáne 2023 jylǵy jalpyazamattyq tólqujattardyń (JAT) blankileri taýsylǵan soń berile bastaıdy.

2025 jylǵy úlgidegi ulttyq tólqujattar (JAT jáne ID-karta) jańartylǵan dızaınmen, memlekettik týdyń beınesindegi ózgeristermen jáne qorǵanys elementterimen shyǵarylady.

Qaýly jobasyna sáıkes, tıisti memlekettik organdar men mekemelerge 2025 jylǵy úlgidegi ulttyq pasporttardy zańdastyrý boıynsha qajetti sharalar qabyldaý, sonyń ishinde pasport úlgilerin shet memleketterge jiberý, sondaı-aq jańa ID-kartalar men jalpyazamattyq tólqujattardy berý týraly halyqty aqparattandyrý naýqanyn ótkizý tapsyrylmaq.

Osyǵan deıin Qyrǵyzstan basqa elderdiń tólqujattaryn shyǵara bastaǵanyn jazǵanbyz.