Qyrǵyzstanda UQShU Syrtqy ister mınıstrleriniń keńesi ótedi

ASTANA.KAZINFORM - Búgin Sholpan-Atada Qyrǵyz Respýblıkasynyń Syrtqy ister mınıstri Jeenbek Kýlýbaevtyń tóraǵalyǵymen Ujymdyq qaýipsizdik týraly shart uıymyna múshe memleketter Syrtqy ister mınıstrleri keńesiniń kezekti otyrysy ótedi, dep habarlaıdy Kazinform tilshisi.

Otyrys barysynda UQShU-ǵa múshe memleketterdiń Syrtqy ister mınıstrleri halyqaralyq jáne aımaqtyq qaýipsizdiktiń ózekti máselelerin talqylaıdy. Terrorızmge, ekstremızmge, transulttyq qylmysqa, sondaı-aq jańa qaýip-qaterlerge, sonyń ishinde qazirgi álemde mańyzdylyǵy artyp otyrǵan kıberqaýipsizdik pen aqparattyq syn-qaterlerge qarsy turýǵa erekshe nazar aýdarylatyn bolady.

Іs-shara qorytyndysy boıynsha múshe memleketter arasyndaǵy ózara is-qımyldy nyǵaıtýǵa, ıntegratsııany tereńdetýge jáne uıym aıasynda birlesken bastamalardy damytýǵa baǵyttalǵan birqatar mańyzdy qujattarǵa qol qoıylady.

- Bul kelisimder aımaqtyq qaýipsizdik pen turaqtylyqty qamtamasyz etýde tıimdi yntymaqtastyq pen úılestirýge negiz bolady, - dep habarlady Qyrǵyzstan Syrtqy ister mınıstrligi.

Mamyr aıynda Bishkekte UQShU parlamentshileri esirtki jáne kıberqylmyspen kúresý sharalaryn talqylady.

Qyrǵyzstan makýlatýra eksportyn ýaqytsha toqtatty.