Qyrǵyzstanda UQShU sammıti ótedi
ASTANA. KAZINFORM — 27 qarashada Bishkekte Qyrǵyzstannyń tóraǵalyǵymen Ujymdyq qaýipsizdik týraly shart uıymynyń Ujymdyq qaýipsizdik keńesiniń kelesi sessııasy ótedi, dep habarlaıdy Kazinform menshikti tilshisi.
Uıymnyń baspasóz qyzmetiniń málimetinshe, UQShU Ujymdyq qaýipsizdik keńesiniń sessııasynda múshe memleketterdiń qazirgi qaýipsizdik máseleleri boıynsha biriktirilgen ustanymdaryn kórsetetin Deklaratsııa qabyldaý jáne 2026 jyldan 2029 jylǵa deıingi aldaǵy úsh jyldyq kezeńge UQShU Bas hatshysynyń kandıdatýrasyn qaraý josparlanyp otyr. Budan basqa, Reseı Federatsııasy 2026 jyly Uıymǵa tóraǵalyq etýdiń basymdyqtaryn usynady.
Qyrǵyzstan ІІM atap ótkendeı, UQShU jarǵylyq organdarynyń otyrystaryna baılanysty Bishkek pen Shý oblysyndaǵy joldardyń keıbir ýchaskelerinde ýaqytsha jol qozǵalysyna shekteý engiziledi. Kólik keptelisin azaıtý úshin el astanasyndaǵy mektepter men joǵary oqý oryndary ýaqytsha onlaın oqytýǵa kóshiriledi.
Buryn habarlanǵandaı, basqarýshy organdardaǵy basshylyqty rotatsııalaýdyń belgilengen tártibine sáıkes, Qyrǵyzstan UQShU Bas hatshysy laýazymyna kandıdatty prezıdenttiń bekitýine usynady.