Qyrǵyzstanda UQMK-nyń jańa tóraǵasy taǵaıyndaldy
ASTANA. KAZINFORM — Qyrǵyzstannyń Memlekettik ulttyq qaýipsizdik komıtetiniń tóraǵasy qyzmetine Maksat Asanalıev taǵaıyndaldy, dep habarlaıdy Kazinform agenttiginiń Bishkektegi menshikti tilshisi.
Tıisti Jarlyqqa Qyrǵyz Respýblıkasynyń Prezıdenti Sadyr Japarov qol qoıdy.
Bir kún buryn Jogorký Kenesh depýtattary Maksat Asanalıevti Bas prokýror qyzmetinen bosatyp, ony Qyrǵyz Respýblıkasynyń Memlekettik ulttyq qaýipsizdik komıtetiniń tóraǵasy qyzmetine taǵaıyndaýǵa kelisim berdi.
Buǵan deıin arnaıy qyzmetke Jýmgalbek Shabdanbekov basshylyq etken. Ol bul qyzmetke Kamchybek Tashıev otstavkaǵa ketkennen keıin 2026 jylǵy aqpanda taǵaıyndalǵan bolatyn.
Eske sala keteıik, 10 aqpanda Qamshybek Tashıev Premer-mınıstrdiń orynbasary jáne UQK tóraǵasy qyzmetinen bosatyldy. Ulttyq qaýipsizdik memlekettik komıtetiniń basshysy aýystyrylǵannan keıin tóraǵanyń úsh orynbasary qyzmetinen bosatyldy.
Keıinirek Qyrǵyzstan prezıdenti kadrlyq sheshimderdi túsindirdi. Sondaı-aq, ol Ulttyq qaýipsizdik memlekettik komıtetiniń burynǵy basshysymen aradaǵy kelispeýshilikke qatysty pikir bildirdi.
Buǵan deıin Qyrǵyzstanda burynǵy UQK tóraǵasy Qamshybek Tashıevtiń soty aıaqtalǵanyn jazǵanbyz.
