Qyrǵyzstanda UQMK burynǵy basshysynyń inisi ustaldy

BІShKEK. KAZINFORM – Sybaılas jemqorlyq jasady degen kúdikke ilingen Jogorký Keneshtiń burynǵy depýtaty Shaırbek Tashıev ustaldy, dep habarlaıdy Kazinform agenttiginiń Bishkektegi menshikti tilshisi. 

Qyrǵyzstan ІІM málimetinshe, ustaý «Qyrǵyzmunaıgaz» AAQ-daǵy sybaılas jemqorlyqqa qatysty qylmystyq istiń bóligi aıasynda júzege asyryldy. Buǵan Mınıstrler kabıneti janyndaǵy Memlekettik salyq qyzmetiniń materıaldary men aýdıttik tekserý negiz bolǵan.

Ustalǵan adam ІІMB Bishkek qalasyndaǵy ýaqytsha ustaý oqshaýlaǵyshyna qamaldy.

14 naýryzda Shaırbek Tashıev depýtattyq mandatynan óz erkimen bas tartty. Qyrǵyz Respýblıkasynyń Ortalyq saılaý komıssııasy onyń depýtattyq ókilettigin merziminen buryn toqtatty. 

Eske sala ketsek, 10 aqpanda Qyrǵyzstannyń UQMK basshylyq quramynda aýys-túıis boldy. Qamchybek Tashıev mınıstrler kabıneti tóraǵasynyń orynbasary – Ulttyq qaýipsizdik jónindegi memlekettik komıtettiń tóraǵasy qyzmetinen bosatyldy.

Ulttyq qaýipsizdik jónindegi memlekettik komıtettiń basshysy aýystyrylǵannan keıin tóraǵanyń úsh orynbasary da qyzmetinen bosatyldy.

Qyrǵyzstan prezıdenti sońǵy kadrlyq sheshimder neden týyndaǵanyn túsindirdi. 

Ol sondaı-aq UQMK burynǵy basshysymen aradaǵy kelispeýshilik týraly túsinik berdi.