Qyrǵyzstanda tutynýshylar 2026 jyldan bastap daıashynyń qyzmetine aqy tólemeıdi
ASTANA. KAZINFORM – 2026 jyldyń 1 qańtarynan bastap Qyrǵyzstanda qoǵamdyq tamaqtaný oryndarynda qyzmet kórsetkeni úshin qosymsha aqy alýǵa tyıym salynady. Bul týraly «Kabar» agenttigine Ekonomıka jáne saýda mınıstrliginiń Monopolııaǵa qarsy saıasat basqarmasynyń basshysy Akylaı Kojomberdıeva habarlady.
Onyń aıtýynsha, tutynýshylardyń quqyqtary men múddelerin qorǵaý maqsatynda jańa úkimet qaýlysy kúshine enedi. Qujatqa sáıkes, kafe men meıramhanalar óz jumys sharttaryn zań aıasynda ózderi belgileı alady, alaıda qyzmet kórsetkeni úshin bólek aqy suraýǵa bolmaıdy.
ıAǵnı taǵamdy usyný, servırovka jasaý nemese daıashynyń ózge de qyzmetteri negizgi tapsyrys baǵasyna kirgizilýi tıis. Barlyq qyzmetterdiń quny mázirde nemese tutynýshyǵa aldyn ala qujattarda kórsetilgen baǵamen tolyq sáıkes bolýy kerek.
Akylaı Kojomberdıevanyń aıtýynsha, eshbir qoǵamdyq tamaqtaný orny «qyzmet aqysy» degen syltaýmen qosymsha tólem talap etpeýge tıis. Daıashylardyń eńbekaqysyn da, ózge de shyǵyndardy da mekeme ıesi ózi óteýi qajet.
«Bul másele kóterilgende keıbiri „onda tamaq qymbattaıdy“ dep qorqytty. Biraq taǵam baǵasyna aspaz eńbegi men ózge shyǵyndar burynnan engizilgenin umytpaǵan jón. Al daıashylardyń jalaqysyn qarapaıym tutynýshy emes, jumys berýshi tóleýi tıis», – dedi ol.
Mınıstrlik ókili jańa talaptardy oryndamaǵan kásipkerlerge ákimshilik jaza qoldanylatynyn da atap ótti.
Eske sala ketsek, buǵan deıin elimizde ońaılatylǵan salyq rejıminde jumys istep kelgen kásipkerlerdiń basym bóligi úshin jaǵdaı ózgermeıtinin jazǵanbyz.