Qyrǵyzstanda týrıst quzdan sekiremin dep ajal qushty
ASTANA. KAZINFORM – Alamýdýn oblysynda shetel azamaty quzdan sekirý kezinde qaza tapty. Oqıǵaǵa qatysy bar degen kúdikpen Flyjump sport kesheniniń ıesi ustaldy.
Kabar aqparattyq portalynyń málimetinshe, búgin saǵat 13:30 shamasynda Tatyr aýylyna qarama-qarsy ornalasqan Flyjump sport kesheninde jardan sekirý kezinde aspaly jol úzilip, saldarynan 1985 jyly týǵan B.A. esimdi azamat oqıǵa ornynda kóz jumǵan. Atalǵan fakti Alamýdýn aýdandyq ishki ister bólimine tirkelip, tergeýge deıingi is qozǵaldy.
Jınalǵan materıaldar men jábirlenýshiniń týystarynyń aryzy negizinde atalǵan fakti boıynsha Qyrǵyzstan Respýblıkasy Qylmystyq kodeksiniń 297-baby (Tutynýshylarǵa qaýip tóndirý) boıynsha qylmystyq is qozǵaldy.
Atalǵan qylmysty jasady degen kúdikpen Qylmystyq is júrgizý kodeksiniń 96-babyna sáıkes 1996 jyly týǵan N.A. esimdi azamat ýaqytsha ustaý ızolıatoryna qamaldy. Qazirgi ýaqytta tıisti saraptamalar taǵaıyndalyp, qajetti tergeý amaldary júrgizilip jatyr.
