Qyrǵyzstanda túnde alkogol satýǵa tyıym salý usynyldy

ASTANA.KAZINFORM - Qyrǵyzstan túnde alkogol satýǵa shekteýler engizýdi josparlap otyr, dep habarlaıdy Kazinform agenttiginiń menshikti tilshisi.

Tıisti zań jobasy qoǵamdyq talqylaýǵa usynyldy.

Eldegi turmystyq zorlyq-zombylyq oqıǵalarynyń shamamen 75%-y alkogoldiń áserinen bolatyny atalyp ótti. Іshki ister mınıstrliginiń málimeti boıynsha, 2019 jyly turmystyq zorlyq-zombylyq týraly 8159 habarlama tirkelgen, onyń 70%-y alkogoldi teris paıdalanatyn otbasylarda bolǵan. Sondaı-aq, keshke jáne túnde mas kúıde qylmys jasaıtyn adamdar sany artqan. Sonymen qatar alkogoldik masańdyq eldegi jol-kólik oqıǵalarynyń jıi kezdesetin sebebi bolyp otyr.

2024 jyldyń basynan beri 3754 mas júrgizýshi anyqtaldy, olardyń 65-i jol-kólik oqıǵalaryna qatysyp, 117 adam jaraqat alyp, eki adam qaıtys boldy.

Qujatqa sáıkes, bul shara kelesi maqsattarǵa baǵyttalǵan:

* alkogolge baılanysty qylmys pen zorlyq-zombylyqty azaıtý;

* qoǵamdyq densaýlyqty qorǵaý;

* alkogoldi teris paıdalaný jaǵdaılaryn azaıtý;

* alkogolge táýeldilikti azaıtý;

* mas kúıinde jasalǵan qylmystar sanyn azaıtý.

Tamaqtandyrý mekemeleri men bajsyz saýda dúkenderindegi satýlardy qospaǵanda, saǵat 23:00 men 08:00 aralyǵynda alkogoldi ishimdikterdi bólshek saýdada satýǵa tyıym salý usynylady.

Alkogoldi ishimdikterdi, alkogoldi sýsyndardy eldi mekenderdiń ortalyq alańdarynan, saıabaqtardan, baqtardan, qoǵamdyq baqtardan, demalys aımaqtarynan jáne oıyn-saýyq keshenderinen 100 metr radıýsta satýǵa tyıym salynady.

Bul shekteýler qylmysty, jol-kólik oqıǵalaryn jáne túnde alkogoldi ishimdikterdi tutynýmen baılanysty basqa da teris saldardy azaıtýǵa kómektesedi.

Buǵan deıin Qyrǵyzstan alkogol men esirtki tutynyp kólik júrgizgenderge jazany kúsheıtetini habarlanǵan bolatyn.