Qyrǵyzstanda Tsıfrlyq kodeks qabyldandy

ASTANA. KAZINFORM – Qyrǵyz Respýblıkasynyń Prezıdenti Sadyr Japarov Tsıfrlyq kodekske qol qoıdy, dep habarlaıdy Kazinform agenttiginiń menshikti tilshisi.

Atalǵan qujat adamnyń jáne azamattyń tsıfrlyq keńistiktegi quqyqtary men bostandyqtaryn qorǵaý men iske asyrýǵa, Qyrǵyz Respýblıkasynda tsıfrlyq ekonomıkany damytýǵa, sondaı-aq eldiń ınvestıtsııalyq tartymdylyǵyn arttyrýǵa qolaıly quqyqtyq jaǵdaı jasaý maqsatynda qabyldanǵan.

Kodekste mynadaı negizgi erejeler kózdelgen:

tsıfrlyq ortadaǵy quqyqtyq retteýdiń negizderi;

tsıfrlyq ortada memlekettik retteý týraly erejeler;

tsıfrlyq ortada arnaıy retteý tártibi;

tsıfrlyq orta sýbektileriniń ózara áreket etý tártibi;

tsıfrlyq ortadaǵy quqyqtyq qatynastardyń sýbektileri men obektileri týraly erejeler;

tsıfrlyq ortadaǵy quqyqtyq qatynastardyń týyndaý, ózgerý, toqtatylý negizderi;

tsıfrlyq jáne jeke derekterdi óńdeý tártibi;

tsıfrlyq qyzmetter, telekommýnıkatsııalyq qyzmetter, tsıfrlyq tehnologııalyq júıeler týraly erejeler;

telekommýnıkatsııalyq jeliler týraly erejeler;

tsıfrlyq tehnologııalyq júıe ıeleriniń ózara áreket etý tártibi;

jasandy ıntellekt júıeleri týraly erejeler;

tsıfrlyq ortadaǵy qatynastardyń úzdiksizdigin qamtamasyz etý tártibi jáne t.b.

Tsıfrlyq kodeks resmı jarııalanǵan kúnnen bastap alty aı ótken soń kúshine enedi.

Buǵan deıin Qyrǵyzstanda et baǵasyna memlekettik retteý engizildi.