Qyrǵyzstanda tikushaq qonatyn alańy bar jańa jeti qabatty aýrýhana salynady

ASTANA. KAZINFORM — Aýrýhana qurylysyn 2026 jyldyń jazynda aıaqtaý josparlanyp otyr, dep habarlaıdy Kabar.

2024 jylǵy 22 maýsymda Qyrǵyzstannyń Jalal-Abad oblystyq aýrýhanasynda jańa korpýstyń irgetasyna kapsýla salý rásimi ótti. Іs-sharaǵa Mınıstrler kabıneti tóraǵasynyń orynbasary – UQK tóraǵasy Kamchybek Tashıev qatysyp, zamanaýı jeti qabatty medıtsınalyq ǵımarattyń qurylysyn resmı túrde bastap berdi.

Buǵan deıin aýrýhana ujymy Kamchybek Tashıevke medıtsınalyq mekemeniń materıaldyq-tehnıkalyq bazasyn nyǵaıtý qajettigin aıtyp, hat joldaǵan bolatyn. 2024 jyldyń naýryz aıynda general aýrýhananyń jaǵdaıymen jeke tanysyp, sol sapardyń nátıjesinde jańa ǵımarat salý týraly sheshim qabyldandy. Joba aıasynda tikushaq qonatyn alań da qarastyrylǵan.

Tashıevtiń tapsyrmasy boıynsha aýrýhana aýmaǵyndaǵy keńes zamanynan qalǵan eski qurylystar buzylyp, qurylys alańy tazartyldy. Qazir 2,5 gektar aýmaqta 280 oryndyq jańa korpýstyń qurylysy bastaldy. Qarjylandyrý respýblıkalyq bıýdjet esebinen júrgizilip jatyr. Qurylysty 2026 jyldyń jazynda aıaqtaý josparlanyp otyr.

Budan buryn habarlanǵandaı, Qyrǵyzstan mektepterde sıntetıkalyq esirtkini anyqtaý jobasyn ázirlep jatyr.