Qyrǵyzstanda TikTok-ty buǵattan shyǵarý usynyldy

ASTANA.KAZINFORM - Jogorký Kenesh otyrysynda depýtattar Qyrǵyzstan úkimetine TikTok-ty buǵattan shyǵaryp, elde onyń ókildigin ashý usynysyn jasady, dep habarlaıdy Kazinform tilshisi.

тикток
Фото: Pexels

Depýtat Marlen Mamatalıevtiń aıtýynsha, eldegi kishkentaı baladan bastap eresekterge deıin VPN qyzmetin paıdalana otyryp, TikTok áleýmettik jelisin esh qıyndyqsyz paıdalanyp keledi.

- Biz qyzmetke tyıym salǵanymyzben, is júzinde ol jumys istep tur. Elimizde onyń ókildigin ashý qajet. Ortalyq Azııadaǵy TikTok dırektory Qyrǵyzstanda keńse ashýǵa jáne barlyq sıgnaldar boıynsha quqyq qorǵaý organdarymen jumys isteýge, destrýktıvti kúshterdiń ornalasqan jerin anyqtaýǵa kómektesýge jáne qajet bolǵan jaǵdaıda olarǵa tosqaýyl qoıýǵa daıyn. Tıisti organdardyń osy usynysty qaraýyn suraımyn, - dedi ol.

Depýtat Dastan Bekeshev áriptesiniń TikTok-ty bloktan shyǵarý qajettigi týraly usynysyn qoldady.

– Bul bizdiń kásipkerler úshin jaqsy jarnama alańy. TikTok kómegimen týrısterge tamasha jerlerimizdi kórsetýge bolady, dep atap ótti depýtat mınıstrler kabınetinen qyzmetke tosqaýyl qoıýdy alyp tastaýdy surap.

Buǵan deıin Qyrǵyzstanda TikTok-qa shekteý qoıylǵanyn jazǵan bolatynbyz.

 

Сейчас читают