Qyrǵyzstanda tigin kýrsyna qatysqan qyzdardy ekstremıstik uıymǵa tartqan
ASTANA.KAZINFORM - Qyrǵyzstannyń Jalal-Abad oblysynyń Nooken aýdanynda «Hızbýt-Tahrır ál-Islamı» (Qazaqstanda tyıym salynǵan) dinı-ekstremıstik uıymynyń áıelder qanatynyń bes múshesi ustaldy, dep habarlaıdy Kazinform agenttiginiń menshikti tilshisi.
Qyrǵyzstan Respýblıkasynyń Ulttyq qaýipsizdik memlekettik komıtetiniń málimetinshe, toptyń belsendi músheleri jas qyzdardy praktıkalyq tiginshilikke úıretý jeleýimen tartyp, artynsha olardy birtindep tyıym salynǵan «Hızbýt-Tahrır ál-Islamı» ekstremıstik uıymynyń ıdeologııasyna sińirgen.
Jabyq Telegram arnalarynda uıym kóshbasshylary tyıym salynǵan ádebıetterdi taratyp, Qyrǵyz Respýblıkasynda halıfat qurý týraly talqylaǵan.
Ustalǵandardyń turǵylyqty jerlerin tintý kezinde «Hızbýt-Tahrır ál-Islamı» dinı-ekstremıstik uıymynan kóp mólsherde tyıym salynǵan ádebıetter, elektrondyq medıa, kompıýterler, fleshkalar jáne uıaly telefondar tabyldy.
2026 jyldyń 29 qańtarynda olar Qyrǵyzstan Respýblıkasynyń Ulttyq qaýipsizdik jónindegi memlekettik komıtetiniń tergeý ızolıatoryna aýystyryldy. Qazirgi ýaqytta tergeý jalǵasyp jatyr.
Osyǵan deıin dinı ekstremızmniń órshýiniń alǵysharttary týraly jazǵan edik.